Ամբողջ օրը համակարգչի դիմաց աշխատանքը  կարող է վնասել Ձեր աչքերը:  Ինչպե՞ս է համակարգչի էկրանը բացասական ազդեցություն ունենում Ձեր տեսողության վրա:

Էկրանի բացասական ազդեցությունը կարող է տարբեր ձևերով արտահայտվել.

• Աչքի քիչ թարթում
• Չորություն, գրգռվածություն և աչքի կարմրություն
• Աչքերի լարվածություն և հոգնածություն
• Տեսողության աղավաղվածություն:

Սովորաբար մենք թարթում ենք 5 վայրկյանը մեկ (օրական 11 հազար անգամ): Սակայն համակարգչի դիմաց աշխատելիս մենք ավելի քիչ ենք թարթում աչքերը: Հետազոտությունները ցույց են տվել, որ համակարգչի դիմաց մենք 5 անգամ ավելի քիչ ենք թարթում, քան անհրաժեշտ է:

Թարթելը բնական գործընթաց է, որի օգնությամբ աչքում թարմացվում է արցունքային հեղուկը: Այդ հեղուկը պահպանում է մեր աչքի մաքրությունն ու խոնավությունը: Թարթելիս արցունքային հեղուկը տարածվում ամբողջ աչքով մեկ՝ պահպանելով մշտական խոնավությունը և խոչընդոտելով, որ օտարածին մարմիններ մտնեն աչքի մեջ:

Եթե Դուք կրում եք կոնտակտային լինզաներ, ապա արդեն հասցրած կլինեք նկատել, որ համակարգչի մոնիտորը բացասական ազդեցություն է ունենում նաև Ձեր աչքի վրա: Մեր խորհուրդները կօգնեն Ձեզ համակարգչի դիմաց աշխատանքը դարձնել ավելի հարմարավետ:

Նվազեցրե՛ք էկրանի լույսը

Մի՛ աշխատեք համակարգչի դիմաց, որի էկրանին պատուհանից լույս է ընկնում: Եթե Ձեր համակարգչի  էկրանին լույս է ընկնում, պատուհանը փակեք վարագույրով: Ապահովե՛ք սենյակի լավ լուսավորությունը: Էկրանի և նրա շուրջը եղած լուսավորությունների տարբերությունները կարող են առաջացնել աչքերի գերլարվածություն և անհարմարության զգացողություն:

Վերադիրքավորե՛ք էկրանը

Էկրանը պետք է դրված լինի այնպես, որ երբ Դուք նայեք անմիջապես Ձեր դիմացը, Ձեր հայացքն ուղղվի էկրանից մի փոքր վեր:

Հաճա՛խ թարթեք

Հաճախ թարթելը խոնավեցնում է լինզաները և ապահովում է հարմարավետություն:

Ընդմիջումնե՛ր արեք

Ամեն 20 րոպեն մեկ 20 վայրկյանանոց ընդմիջո՛ւմ արեք: Ընդամենը 20 վայրկյանը չի խանգարի Ձեր աշխատանքին, բայց կօգնի Ձեր աչքերին: Ընդմիջման ընթացքում կենտրոնացրե՛ք հայացքը իրերի վրա, որոնք գտնվում են Ձեր մոնիտորից տարբեր հեռավորությունների վրա՝ ամենաշատը մինչև 6 մետր:

Խմե՛ք շատ ջուր

Օրգանիզնում ջրային բալանսը պահելու համար օգտագործե՛ք բավարար քանակի ջուր (1.5-2 լիտր՝ օրական):

Alcon շվեյցարական ընկերության օպտիկական կոնտակտային լինզաները իրենց հատուկ տեխնոլոգիայի շնորհիվ ապահովում են Ձեր աչքի համար խոնավության բարձր մակարդակ, ինչը աչքը պահում է հնարավորինս խոնավ և օգնում է նվազեցնել աչքի հոգնածության զգացողությունը: Air Optix Aqua և Air Optix Night and Day օպտիկական կոնտակտային լինզաները, ունենալով սիլիկոն-հիդրոգելային կառուցվածք ապահովում են նաև թթվածնի անհրաժեշտ քանակությամբ հոսքը դեպի աչքերը: