kontaktayin linzaner

Պաշտպանե՛ք Ձեր աչքերը ուլտրամանուշակագույն ճառագայթներից

Want create site? Find Free WordPress Themes and plugins.

Ձեր մաշկը ուլտրամանուշակագույն ճառագայթներից պաշտպանելու համար Դուք հավանաբար օգտագործում եք արևապաշտպան կրեմ, բայց մի՛ մոռացեք, որ Ձեր աչքերը ևս պետք է պաշտպանեք արևից:

Ի՞նչ է ուլտրամանուշակագույն ճառագայթը (UV- ultraviolet rays)

Ուլտրամանուշակագույն ճառագայթները լույսի մանուշակագույն և ռենտգենյան ճառագայթման միջև ընկած տիրույթում գտնվող էլեկտրամագնիսական ալիքներ են։ Դրանք անտեսանելի են մարդու համար: Ուլտրամանուշակագույն ճառագայթման բնական աղբյուրներն են արևը, աստղերը: Հետազոտությունների արդյունքում պարզ է դարձել, որ հենց այս ճառագայթների պատճառով է մարդկանց տեսողությունը տարիքի հետ վատանում:

Ինչպե՞ս են ուլտրամանուշակագույն ճառագայթներն ազդում աչքի վրա

Արևի ճառագայթների ազդեցությունը կարող է հանգեցնել աչքի լուրջ հիվանդությունների առաջացմանը, ինչպիսին է կատարակտը: Կատարակտի յուրաքանչյուր 5-րդ դեպքի պատճառը հենց ուլտրամանուշակագույն ճառագայթների վնասակար ազդեցությունն է: Այս հիվանդություններից շատերից կհաջողվի խուսափել, եթե օգտագործեք արևից պաշտպանվելու միջոցներ:

Ինչպե՞ս պաշտպանել աչքերը ուլտրամանուշակագույն ճառագայթներից

Հետևե՛ք մեր խորհուրդներին և կպահպանեք Ձեր տեսողությունն ու աչքի առողջությունը որքան հնարավոր է երկար:

Ճիշտ ընտրե՛ք արևապաշտպան ակնոցը

Արևապաշտպան ակնոցի բարձր գինը չի երաշխավորում, որ այն Ձեզ կազատի վնասական արևային ճառագայթներից: Առավել լավ պաշտպանություն են ապահովում UV-400 արևապաշտպան ակնոցները, որոնք կանխարգելում են անգամ ամենափոքր ճառագայթների ներթափանցումը աչք:

Կրե՛ք գլխարկ

Լայնեզր գլխարկը Ձեր աչքերի համար կապահովի լրացուցիչ պաշտպանություն: Այն նաև կօգնի սահմանափակել արևի ազդեցությունը դեմքի և պարանոցի հատվածում, կկանխի արևահարությունը:

Խուսափե՛ք ճառագայթների անդրադարձումից

Ավազից, ջրից  կամ ձնից անդրադարձած ճառագայթների ազդեցությունն էլ ավելի ուժեղացված է: Հատկապես լավ պաշտպանեք աչքերը, երբ գտնվում եք լողափին, լեռնադահուկային հանգստավայրում, ջրային ավազաններում և բարձրադիր վայրերում:

Հետևե՛ք ժամանակին

Առավոտյան 10-14-ն ընկած ժամանակահատվածում արևի ճառագայթներն ամենաուժեղն են: Սակայն հետազոտությունների արդյունքում պարզ է դարձել, որ աչքի համար առավել վտանգավոր են 8-10-ն ընկած ժամանակահատվածը և հետճաշյա ժամանակահատվածը: Աշխատե՛ք պաշտպանել աչքերը ամբողջ օրվա ընթացքում:

Պաշտպանե՛ք աչքերը ցանկացած եղանակին

Մեզնից շատերը փորձում են պաշտպանել իրենց աչքերը արևի վառ ճառագայթներից, բայց  ուլտրամանուշակագույն ճառագայթները վնասակար ազդեցություն են ունենում նաև մռայլ եղանակի ժամանակ: Այդ պատճառով էլ կարևոր է պաշտպանել աչքերը ցանկացած եղանակին:

Կերե՛ք շատ կանաչ բանջարեղեններ

Կերե՛ք շատ վառ գույների բանջարեղեն և միրգ, որոնք հարուստ են անտիօքսիդանտներով և A, C, E վիտամիններով: Լյուտեին և զեաքսանտին հակաօքսիդանտները հատկապես օգտակար են աչքերի առողջության համար: Լյուտեինը պարունակվում է դեղին քաղցր պղպեղում, մանգոյում, և կանաչեղենում: Իսկ բրոկոլին, եգիպտացորենը, նարինջը և ձվի դեղնուցը զեաքսանտինի լավ աղբյուր են:

Հո՛գ տարեք երեխաների մասին

Երեխաների աչքերը ևս ենթարկվում են արևի վնասակար ճառագայթների ազդեցությանը: Մի՛ մոռացեք պաշտպանել նաև Ձեր երեխաների աչքերը հատուկ արևապաշտպան ակնոցների, գլխարկների միջոցով:

Կոնտակտային լինզաներ

Ուլտրամանուշակագույն ճառագայթները վնասակար են ոչ միայն մաշկի, այլև աչքերի համար: Պաշտպանե՛ք Ձեր աչքերը դրանցից: Եթե ունեք տեսողության խնդիրները, լինզաներ կրելը հնարավորություն կտա Ձեզ հանգիստ կրել Ձեր ցանկացած արևապաշտպան ակնոցը:

Ընտրեք Acuvue Oasys կոնտակտային օպտիկական լինզաները, որոնք ունեն UV-պաշտպանություն:

Ապրե՛ք առողջ, եղե՛ք ազատ:

Եթե այս հոդվածը օգտակար էր Ձեզ համար, հավանե՛ք այն, և մենք կգտնենք նմանատիպ օգտակար խորհուրդներ Ձեր աչքերի առողջությունը պահպանելու համար:

Did you find apk for android? You can find new Free Android Games and apps.
Close